भारइल भिडियो : हजुरआमालाई बचाउन भिड्यो ‘फुच्चे हिरो’
एउटा सानो बालकले स्टिलको पाइप बोकेर हजुरआमालाई बचाउन खोजेको भिडियो गत बिहिबारदेखि सामाजिक सञ्जालमा निकै भाइरल बनेको छ । सबैभन्दा पहिलो चिनियाँ सामाजिक सञ्जाल वेबोमा आएको उक्त भिडियो यतिबेला संसारभर चर्चाको विषय बनेको छ । चीनको पिपल्स डेलीका अनुसार ती बालकको हजुर आमा सडकको किनारमा पसल गर्थिन् । तर, उनीसँग त्यसको अनुमति थिएन । जब सरकारी अधिकारीहरुलाई पसल हटाउन आइपुगे, ती बालक हजुरआमाको संरक्षणमा उत्रिए । आफ्नो शरीरभन्दा दुई गुणा ठूलो पाइप बोकेर ती बालकले सरकारी अधिकारीतर्फ सोझ्याउँदै, ‘पर जाऊ, मेरो हजुरआमालाई नछोऊ’ भन्दै चिच्चाइरह्यो । धेरैले उक्त भिडियोमा बालकको बहादुरीको तारिफ गरेका छन् । तर, त्यसपछि बालक र हजुरआमालाई सरकारी अधिकारीहरुले के गरे भन्ने चाहीँ प्रष्ट छैन ।
0 comments
Write Down Your Responses